Esquilla

           [Esquilha]
           Jozi, digatz vos qu'etz hom entendens,
           si la bela, que us fai voler amors,
           tramet per vos e us vol fayre secors
           que us colc ab se, mas vielha senes dens
           trobaretz lai per aital covenensa,
           que lo i faretz una vetz ses falhensa
           ades enans que '1 bêla s colc' ab vos,
           o al partir, cal penretz d'aquest dos?^[1]

             [...]
             Esquileta]
             Guigo, donan sai que conquier
             rics hom pretz e fina valor
             ab qu'el dos faitz si' ab honor
             de cel qui 'l da e cel qu'el quier,
             quar dos mal datz desabriza
             valor e pretz e 'ls mendiza;
             qu'autretan fai qui dona follamen
             com a bon prez qui dona d'avinen.
             [...]

             Ges, per malvastat qu'er veya
             dels ricx cuy valors non agensa,
             no-m ven en cor qu'ieu-m recreya
             de joy ni de belha parvensa,
             sitot lur es valors amara
             tan que quecx la dezampara
             per desconoyssensa.

             De re mos cors no s'esfreya
             mas quar so nom camget Proensa,
             que falhi tan que-s desleya!
             Per qu'ueymais aura nom Falhensa,
             quar leyal senhori' e cara
             a camjada per avara
             don pert sa valensa.

             [...]

             En Guillen de Moncad' ampara
             pretz, on mans ricx s'en despara,
             don fai gran valensa.

             N'Esquilheta, son bon pretz gara
             N'Esclarmonda fin'e cara
             per qu'als pros agensa.^[4]