Cabrit

            [Ricau]
            Cabrit, al mieu veiaire,
            vos fatz ves mi
            que fals e que bauzaire,
            segon c'om di;
            tro que mon cor n'esclaire
            non aures fi;
            d'ueils ho de lengua traire
            ar vos desfi
            et er greu s'ieu peitz no.us adesc
            que vos mi - e d'aital no.us mesc -
            e totz jorns trobaretz mi fresc
            al vostre dan, on qu'an mi tresc.

            [cabrit]
            Pos En Ricau m'apela
            qu'ieu faill ves lui,
            l'esdig, Na Peironella,
            farai ses brui:
            fassa.m bon'escudela,
            s'ieu dejus sui,
            e s'ieu sotz la maicela
            ben no l'estui,
            autr'esdig farai bel e bo:
            fassa.m raustir un gras capo,
            s'ieu no.l mange ab companho,
            vas lui ai faita trassio.^[4]

            [...]